串燒屋

Open Now

Now Closed

今次黎到想試好耐，自助既自動串燒燒烤，全場任飲任食，9點後每位（$198）可以食2.5 小時，而且用QR Code 落單， 非常方便，我地食成晚都冇漏單既情況，佢地食物有三個種類：串燒，網燒同炸物😋串燒有唔同肉類，海鮮，肉類最推介係牛肋條同埋豬頸肉，將一串串既肉放喺自動燒烤爐上，自動不斷翻轉，每面都充分加熱，逼出肉入面嘅油汁，完成後又唔會太乾，海鮮就推薦多春魚，串烤方法唔驚啲魚春會跌出嚟，燒到最乾有脆又香，最後仲可以燒個棉花糖，外脆內軟🍡🍢🥩網燒就有更多嘅海鮮選擇，主力推薦青口同埋生蠔，幾生幾熟自己話事，生蠔都算大粒，肉都好多選擇，有唔同口味既雞翼，肥牛片仲有羊架，全部薄切，好快就熟，網燒仲可以有多種蔬菜選擇，燒粟米同雜菇都唔錯🌽🫑🥦🥬炸物有意外驚喜，最好味嘅就係炸蝦炸蠔同埋炸榴槤，絕對有日式放題質素，最緊要好快就可以食得，喺等串燒同時就係即刻食咗炸物先👍🏻全場都有好多任飲嘅飲品可以選擇，汽水啤酒，最特別係有自製嘅涼茶🥤🧃🍻🍺總括嚟講食物種類多，烤肉火力唔錯，而且每台都有個吸油煙機，唔會食到成身都好大油煙，好適合一大班人黎吹水團聚😁