燒野食咁dry，一定要叫d野飲先！
叫左下火既竹蔗茅根同腐竹糖水沙冰。
竹蔗茅根好足料咁喎！就算只係一杯，都有齊馬蹄、竹蔗、紅蘿蔔，飲落幾清甜。
真係超愛呢個腐竹糖水沙冰！第2度冇飲過！
想飲一定要返黎呢度飲，估唔到佢白雪雪好普通既樣，原來腐竹味係超級濃嫁！
金菇肥牛卷係平時燒好既，有3大札，但就冇咩味，比較淡。
芝士獅子狗都係本身就炸左，但原來都係用黎打邊爐會夾d，炸過之後有d油味同較乾。
呢個竹筒飯夠晒特別啊！要自己燒，燒足佢14分鍾（都幾耐），跟住店員會幫我地剪開佢，再自己淋埋d椰汁就食得。
椰汁佢比好多我地，多到可以變椰汁紫米露添啦！d紫米燒完幾爽口，又帶d香味，都唔錯。
燒鰻魚係超級大條！勁厚肉，正啊！同埋可以自己搽d醬落去，一定唔洗驚d汁唔夠啦！搽完醬再燒兩燒，入晒味！
呢個玉子燒幾搞笑，佢係比一塊塊既玉子你燒左兩面金黃先，再自己加入菜脯同蛋漿，好似平時炒蛋咁，不過d蛋漿未撈勻就加左入去，熟左之後見到有d蛋白。而玉子就甜甜地好好味。
不過呢度有樣唔好，就係比較逼，你經過就會望到呢度其實好細，坐唔到幾多人，唔太舒適，所以快d燒完食完快d走就岩。
