今年老公好有心思，搵咗間新開嘅居酒居，有好嘢食之餘，仲有好多自家製嘅特色酒。
未食嘢之前，先有杯Wellcome drink，蝶豆花酒好靚呀
我改咗佢個名叫紫晶酒。
先嚟個喜壽燒二人前，和牛雪花均勻，入口鬆化，但估唔到最大驚喜係隻蛋，好有蛋香，真係靈魂所在。
我一定要介紹佢隻蛋！
豚肉白湯烏冬好似好簡單，但個湯真係好鮮甜濃厚，我哋無浪費㗎，清晒啲湯。
呢個帆立貝啱晒啲芝士怪。
牛舌夠厚，口感十足。
呢個揚黑豚肉係我最愛，外層香口裡面juicy。
燒鰻魚新鮮彈牙、勁好味。
諗住叫豬頸肉，點知睇真啲係雞頸肉，咁稀有一定要叫喇！果然冇令我失望，好食！
和牛就唔洗講喇，yum yum!
嚟得居酒居點會唔叫酒呢！呢度啲酒好特別，如果唔係要揸車，我哋真係想試多幾杯。
老公叫咗杯「十侍之森林」，貪佢個名夠威喎～
結果係我飲多過佢飲，因為我好鍾意佢個柚子香味。
我就叫咗杯Vedre，睇賣相都知好啱女士，個味好清新好提神（雖然我知咁形容酒好怪）。
今次叫晒啲啱我自己口味嘅酒，真係唔好意思，鬼叫傻瓜明知去居酒居仲揸車出嚟咩，無得飲唔關我事。
飲住酒唔覺唔覺食咗好多嘢，走嗰陣要捧住個肚走。
希望個疫情快啲過喇，我好想約班姐妹去多次飲嘢吹水。
