Video
Read full review
2017-09-25
4786 views
仲記得早幾日先睇過呢間cafe嘅卡邦尼介紹，有佐敦街坊留言話呢間係會食嘅餐廳之一，我地週日就黎左一試。餐廳位置唔多，倒L形格局，位置唔算好多，枱與枱間其實都幾密麻，幸好餐廳樓底夠高，先不至於覺得局促，裡面仲有吧枱位置，不過可能係週日，人流頗多，中午去到都接近爆滿，坐左不久亦都開始要等位。剛好有兩位討論緊宗教問題嘅外藉人士同一個為孩子兩年後入名校做緊準備嘅母親夾住我地一左一右，聽住佢地嘅對話都幾有趣，總算食左個豐富飽肚嘅午餐。坐到不久店員就遞上餐牌，呢度採用半自助模式，自行點單先俾錢，水、餐巾、調料可喺收銀位置自取，但點餐會由店員送上。餐牌供應全日早餐、三文治、意粉、沙律、小食、貝果，蛋糕等，定價合理。超級全日早餐 $108全日早餐一共四款，定價$78-108，揀左最豐富嘅「超級」早餐，裡面有煙肉、紐綸堡腸、煙燻牛肉、煙三文魚、茄汁豆、炒蛋、沙律菜 、蘑菇、黑松露薯蓉、法式多士。基本上好夠食，而因為即時製作，只要樣樣野新鮮，應熱則熱，味道都唔會差得去邊炒蛋滑溜，煙三文魚、牛肉都唔會太鹹，印象較深刻都係黑松露薯蓉，松露香而不膩。可惜就係兩片乾硬無比嘅多士…建議加$15升級牛角酥。自家製凱撒
坐到不久店員就遞上餐牌，呢度採用半自助模式，自行點單先俾錢，水、餐巾、調料可喺收銀位置自取，但點餐會由店員送上。
餐牌供應全日早餐、三文治、意粉、沙律、小食、貝果，蛋糕等，定價合理。
超級全日早餐 $108
全日早餐一共四款，定價$78-108，揀左最豐富嘅「超級」早餐，裡面有煙肉、紐綸堡腸、煙燻牛肉、煙三文魚、茄汁豆、炒蛋、沙律菜 、蘑菇、黑松露薯蓉、法式多士。基本上好夠食，而因為即時製作，只要樣樣野新鮮，應熱則熱，味道都唔會差得去邊
炒蛋滑溜，煙三文魚、牛肉都唔會太鹹，印象較深刻都係黑松露薯蓉，松露香而不膩。可惜就係兩片乾硬無比嘅多士…建議加$15升級牛角酥。
自家製凱撒卡邦尼扁意粉 $88
卡邦尼嘅賣相都幾吸引，中間打有一隻蛋黃，扁意粉份量頗多，掛汁度高，本來都怕會膩，不過佢地嘅卡邦尼帶點酸度，都可以稍為平衡。
意粉中加有少量煙肉、蘑若，份量唔多，調味適中不過如果叫我為左個卡邦尼老遠黎試，又不至於。
平日嘅話點主食會附送$38或以下飲品，亦可補差價點其他飲品；至於週末則可以半價換購飲品，人均一百蚊左右確實算幾相宜。
Green Tea Caffe Latte $43
點左一杯熱嘅抹茶咖啡拿鐵，睇過其他客人嘅照片，拉花有比較美，而我呢杯則比較抽象派。
同平時飲嘅latte唔同，相對地奶味冇咁重，帶淡淡抹茶味，而咖啡味都係幾濃的。
Caramel Latte $48
整體而言，cafe嘅食物質素都唔錯，環境方面由於係週日，始終比較繁忙，我地兩個就唔方便坐太耐，相信平日嘅話會較寧靜同坐得舒適點。
Post
