Manecy's Studio Restaurant (Closed)

同同事食飯揀左係銅鑼灣近近地，呢間餐廳叫野食方法有啲特別，係計人頭，餐牌上既主菜係任叫，其他要加錢，另外出面重有個半自助餐都係包埋任食，但係餐牌叫法個到我地幾個女仔都搞左好耐都睇唔明邊啲係任叫、邊啲係要另外收費，坐底時侍應淨係講每人價錢幾多，又唔解釋清楚點叫法，邊啲包、邊啲唔包，最後問多兩次侍應終於都明點叫。出面拎野食既選擇唔算太多及吸引，有薯格、炸雞粒、春卷、咖哩角、Parma ham、三文魚、沙律等，我覺得啲Parma ham同三文魚應該係cold serve ，食落係暖有啲怪同埋唔太新鮮既感覺。餐牌上任叫既我地最鐘意係芝士雞翼，拆曬骨加埋芝士好香好夾。