一條腸粉 (Closed)

之前喺深圳見過皺皮腸粉，聽人講幾好食，一直想試吓，我有次經過見到一條腸粉，就一直好想試。星期六中午一點鐘左右，成間店得三至四台客。見到有個傳統嘅石輪磨漿機，不過係擺設，唔係真係攞嚟用。幾欣賞嘅係，佢嘅餐牌好環保，過咗膠之後用螢光筆劃，可以無限次循環使用。今次就叫咗個腩肉撈飯、蠔仔玉米腸粉，同埋鮮蝦玉米腸粉。啲食物都上得幾快，撈飯啲汁同埋飯嘅份量計得幾好，倒晒D飯入去，啱啱好吸晒啲汁，都撈得幾均勻。而蠔仔腸粉上面就得四隻蠔仔，腸粉係幼滑嘅，不過就唔入味，豉油有豉油，腸粉有腸粉，好分離嘅感覺。