之前返大陸食過遇見小麵，但就未晌香港食過。今日早咗收工，行過見到間鋪都多人食喎，早少少食個晚餐先🤪
我同老公各自叫咗一個套餐😛
我就食 脆皮半隻雞麻辣小麵套餐，個麵都係麻辣湯底，我揀咗微辣，都超級惹味，上面啲花生同豌豆幾多下，麵嘅份量都足夠，配搭埋湯底，一啖接一啖停唔到口😄。至於隻脆皮雞，個皮真係好脆，肉質好嫩滑🤤，一啲都唔鞋，直程想追加嗌多半份雞。
老公就食超級碗（多拼澆頭麵）套餐，因為佢比較肚餓，所以嗌咗呢個多餸，有牛𦟌、肉丸、豬大腸，真係超級大碗😂啱晒重口味嘅人士
安格斯牛肉串
正如佢形容所講係鮮嫩多汁，孜然味好香，調味超惹味。唔會好多肥肉，食完都唔會有罪惡感。好想追加多幾串😂
檸檬茶
食重口味嘅嘢，配搭返凍冰冰嘅檸檬茶真係好清爽，份量都幾大杯，我飲唔晒要拎走飲😅
