帝樂德國餐廳 (Fashion Walk) (Closed)

聽同事介紹Fashion Walk嗰邊有間德國餐廳，呢日去試吓佢嘅lunch set，仲有二人餐添！脆皮燒豬肘配酸椰菜及炸薯角 $325隻豬手好大隻呀！影完相之後店員會幫手將隻豬手切開方便我哋享用😆趁熱食一等啖咬落去外皮香脆，仲黐住厚厚既骨膠原，脂肪位煮到軟腍，肉味鹹香惹味，怕太油膩嘅話可以夾埋酸酸地嘅椰菜絲一齊食幾清爽。拌菜仲有脆薯角🥔，炸得黃金香脆又好夠味！套餐包咗沙律、湯、同嘢飲沙律包括清新蕃茄、牛油果同埋蔬菜🥬，仲有合桃加上酸酸甜甜嘅黑醋，零舍開胃最後飲多杯熱檸茶消滯當日餐湯係粟米湯，好濃郁，送上蒜蓉包一齊食增添滿足