Read full review
2020-07-01
1588 views
大坑出名多唔同種類嘅嘢食，經朋友介紹之下，知道呢度有一間食肉骨茶好出名嘅餐廳，所以今日就同朋友嚟試一試佢位於大坑比較入嘅位置，大家都真係要搵一搵餐廳名叫做肉骨皇，顧名思義係食肉骨茶嘅地方，當然仲有其他菜式啦，其實佢係一間馬來西亞餐廳睇睇餐牌，其實佢都有好多唔同款式嘅馬拉菜式選擇，第一版當然係呢間餐廳嘅招牌菜，肉骨茶，黎得到就冇理由唔食，如果好似我今日咁，兩個人黎食，當然就揀返個招牌肉骨茶細嘅size啦！話咁快，肉骨茶就黎到啦，冇錯呢一個就係細size嘅招牌肉骨茶，係咪感覺上都好大份呢除咗佢外表好吸引重點係佢下面有一個小火種一路保持住佢嘅溫度，甚至乎係令到佢滾熱的，因為食肉骨茶一定要夠熱，所以呢個情況就絕對做得非常好大家見到佢滾到都已經出晒煙，呢個肉骨茶相當足料，入面除咗有金菇，豆卜等等嘅配料之外，仲有多舊豬肉係入面，口感軟林林非常好味當然，肉骨茶嘅重要的還係佢嘅湯汁，佢呢個湯味道夠晒正宗，同我喺新加坡絕對比得上，當中大有藥材味，但係唔會感到苦澀，甚至乎有種鮮甜嘅感覺，確實真係做得幾好，難怪呢間餐廳都好多人光顧串燒都幾唔錯，我地叫左一份 6串 的，叫左雞及豬，雖然唔係好大串，不過味道唔錯
佢位於大坑比較入嘅位置，大家都真係要搵一搵
餐廳名叫做肉骨皇，顧名思義係食肉骨茶嘅地方，當然仲有其他菜式啦，其實佢係一間馬來西亞餐廳
睇睇餐牌，其實佢都有好多唔同款式嘅馬拉菜式選擇，第一版當然係呢間餐廳嘅招牌菜，肉骨茶，黎得到就冇理由唔食，如果好似我今日咁，兩個人黎食，當然就揀返個招牌肉骨茶細嘅size啦！
41 views
0 likes
0 comments
話咁快，肉骨茶就黎到啦，冇錯呢一個就係細size嘅招牌肉骨茶，係咪感覺上都好大份呢
除咗佢外表好吸引重點係佢下面有一個小火種一路保持住佢嘅溫度，甚至乎係令到佢滾熱的，因為食肉骨茶一定要夠熱，所以呢個情況就絕對做得非常好
27 views
0 likes
0 comments
大家見到佢滾到都已經出晒煙，呢個肉骨茶相當足料，入面除咗有金菇，豆卜等等嘅配料之外，仲有多舊豬肉係入面，口感軟林林非常好味
18 views
0 likes
0 comments
當然，肉骨茶嘅重要的還係佢嘅湯汁，佢呢個湯味道夠晒正宗，同我喺新加坡絕對比得上，當中大有藥材味，但係唔會感到苦澀，甚至乎有種鮮甜嘅感覺，確實真係做得幾好，難怪呢間餐廳都好多人光顧
13 views
0 likes
0 comments
串燒都幾唔錯，我地叫左一份 6串 的，叫左雞及豬，雖然唔係好大串，不過味道唔錯，肉既口感唔韌，沾點埋沙嗲汁食，作為一個小食黎講，真係岩岩好
11 views
0 likes
0 comments
今晚既主角之一有佢！就咁睇，可能你估唔到佢係乜，不過其實佢同葡國菜好似，佢唔係葡國雞，只係佢都係咖喱雞，外面仲有一大個麵包裝住添！
本身佢唔係原裝配有呢個麵包嘅外殼，另加$30 ，就可以要買呢一個麵包裝着咖喱雞啦，梗係加埋佢啦，因為成個麵包都可以食，而且吸晒咖喱汁，非常好味㗎
6 views
0 likes
0 comments
入面嘅咖喱雞份量都幾多，除咗有多件雞粒雞樓，仲有一啲配料係入面，而且仲係馬來西亞嘅代表添，當中包括四大天王添！
咖喱唔辣，所以非常易入口，以外面嘅麵包外殼，成個都食得，係吸收盡所有咖喱汁嘅情況下，變得非常好味，而且會令你好飽肚添，絕對係一個出色嘅主菜
7 views
0 likes
0 comments
最後嘅一個主角有佢，呢個係馬來椰漿飯！真係唔係度度有，你唔好見佢好似平平無奇，不過佢中間個椰漿飯就已經夠曬香味，和濃既椰漿完全混入左個白飯入面，帶有少少張力既口感
配上右下角既醃製咸魚仔，味道非常突出，因為咸得來，咬落去相當有口感，配埋有椰香嘅飯，真係一個非常好嘅配搭
10 views
0 likes
0 comments
就係咁，我哋叫咗成枱都係野，成個賣相都好吸引，兩個人結果都真係食得晒呢度啲嘢，因為味道真係好唔錯，所以令到我哋胃口大開
6 views
0 likes
0 comments
飲品方面，我的朋友就叫咗一杯青檸梳打，而我就當然叫一杯馬來西亞菜方面，飲品嘅代表作啦！佢就係美祿恐龍！
9 views
0 likes
0 comments
真係一啲正宗嘅馬拉菜餐廳先至會有呢個美祿恐龍飲架，叫得美祿恐龍，最主要係因為佢係用美祿粉來製成嘅，佢嘅味道非常香濃，上面嘅美祿粉更加係代表作，因為你可以就咁食 d 粉，又或者將啲粉再攪拌係你杯飲品當中，令到佢香濃嘅層次再進一步提升，都真係幾瘋狂㗎！
整體來講，如果唔係喺港島區生活嘅朋友，可能會覺得呢間餐廳嘅位置比較偏僻，但係如果以餐廳質素來講，佢嘅食物確實有質素，而且佢嘅回頭率都幾高，絕對值得一試㗎
Post
