Read full review
2015-01-25
943 views
老老實實，我係有睇蔡瀾蔡先生所寫既文章因為當中不單是對食物既食後感，仲有相關既知識經驗及後記不過文章又唔會好似現時甚多既抒情多於談食，閱後總會有種學到野既感覺今次黎到大坑既肉骨皇，都係蔡先生曾撰文評論先前病左一輪，心諗好番就要補補佢，係好老人家思想，但我就係咁架啦:^p上網查查藥膳何尋，結果就見到呢間久在待食清單上既星馬菜館二話不說，晚上急急腳放學就黎大補一番！環境寬敞闊落，坐得舒服鬆動枱面大小也叫恰當，放上餸菜後也算夠位，食時不太狼狽餐牌選擇多得令我呢個選擇困難症患者不知如何是好分類井井有條，價格清楚列出，仲有不少圖片，圖文並茂最後……還是請店方推介一下吧檳城香濃肉骨茶 $82上枱時係蓋住煲蓋，放係氣爐上熱至滾起我十分期待既藥材香氣頓時滲出，真係「聞一聞，醒腦提神；索一索，舒筋活絡」同時送上數塊油條片、椒、蒜及醬油，職員順道講解食法講真一望呢煲，心想當然是小意思啦，份量還不夠我解渴豈知一打開煲蓋……差啲「嘩」左出聲入面既食材原來豐富至此，真係好似平時點一個煲仔菜咁豐盛！醬油作湯底，色濃，湯亦帶稠單是藥材已有十數款，難怪香氣之重之醇入口比以往飲過既更厚潤，而且味道竟是非常的甘甜，同飲過
因為當中不單是對食物既食後感，仲有相關既知識經驗及後記
不過文章又唔會好似現時甚多既抒情多於談食，閱後總會有種學到野既感覺
今次黎到大坑既肉骨皇，都係蔡先生曾撰文評論先前病左一輪，心諗好番就要補補佢，係好老人家思想，但我就係咁架啦:^p
上網查查藥膳何尋，結果就見到呢間久在待食清單上既星馬菜館
二話不說，晚上急急腳放學就黎大補一番！
環境寬敞闊落，坐得舒服鬆動枱面大小也叫恰當，放上餸菜後也算夠位，食時不太狼狽
餐牌選擇多得令我呢個選擇困難症患者不知如何是好分類井井有條，價格清楚列出，仲有不少圖片，圖文並茂
最後……還是請店方推介一下吧
檳城香濃肉骨茶
$82
27 views
0 likes
0 comments
上枱時係蓋住煲蓋，放係氣爐上熱至滾起
我十分期待既藥材香氣頓時滲出，真係「聞一聞，醒腦提神；索一索，舒筋活絡」
同時送上數塊油條片、椒、蒜及醬油，職員順道講解食法
講真一望呢煲，心想當然是小意思啦，份量還不夠我解渴
豈知一打開煲蓋……差啲「嘩」左出聲
入面既食材原來豐富至此，真係好似平時點一個煲仔菜咁豐盛！
檳城香濃肉骨茶
$82
34 views
0 likes
0 comments
檳城香濃肉骨茶
$82
27 views
0 likes
0 comments
單是藥材已有十數款，難怪香氣之重之醇
入口比以往飲過既更厚潤，而且味道竟是非常的甘甜，同飲過既截然不同
嚐嚐杞子，出乎意料地甜，有如蜜棗
睇到咁多塊既豬排，固然肉香鮮味亦稍進湯底啦
檳城香濃肉骨茶
$82
36 views
0 likes
0 comments
檳城香濃肉骨茶
$82
26 views
0 likes
0 comments
豬排夾有軟骨，肉稔香綿，帶有湯汁湯甜，但同時保留肉味肉香
基本上要夾起一塊都有難度，因其肉化得會輕夾即開
軟骨相當既脆度亦形成質感上既對比
醮點醬油，鹹中帶甜，惹味更開胃:^)
另外仲有金菇、豆卜、支竹及冬菇等都好吸湯汁
而油條浸入湯後已經變微稔，不脆，算是香化
雖然未至於膩，但帶點油，要考閤下既接受程度啦
海鮮柚子沙律
$88
26 views
0 likes
0 comments
點這個既原因除左係為左清甜微酸既開胃柚子，仲有海鮮
因為記得文中提及呢度既係有螄蚶既
但剛病癒，還是忍忍口，搏下沙律入面會唔會有滄海遺珠吧！
柚子粒粒清香多汁，開胃清怡
海鮮當然是魷魚圈、蝦仁、青口……咦！螄蚶發現！
螄蚶速速前！還是濕潤鮮美，一個小小驚喜
最好笑既係竟然會有魚蛋片，彈牙味甜，只係感覺不太配襯了
還有沙律底醬，酸辣味道太稠重，反而浪費左柚子既一股清新啊……
巴東羊肉
$88
25 views
0 likes
0 comments
又係呢道我喜愛的東南亞菜式之一！！！！！
見餐牌有巴東羊肉選擇，今次就棄牛選羊試一試
呢款又同先前係好時食到既不同，又回歸番去印尼餐廳既味道
不過佢又有分別喎，呢個版本就比較稀身少油
如果係有食過或者食開東南亞菜式，就唔會覺得佢賣相不佳，反倒是吸引至極
羊肉煮得稔身，肉香濃郁可口
連住既脂肪滑香不油膩，尤如係嫩筋位，不知不覺就吞下了:^0
醬汁是方便拌飯既稀度，味道其實沒有顏色深紅的嚇人
香辣又不嗆，南薑香氣甚重，椰奶味道只是輕輕帶過
香料用就用得多種啦，但由於製法係要磨碎至滑貼，好等用手抓飯時夠黏夠香
輕舀一勺就大概較難找到香料所在
宜保咖啡骨
$88
24 views
0 likes
0 comments
甫上桌已傳來濃郁既咖啡香，我或許是進了一家主打星馬菜的咖啡店吧？
咖啡醬緊緊黏附排骨，均勻有致，再灑上少許白芝麻
視覺及嗅覺上的吸引力莫過於此
排骨肉稔香嫩滑，與外層黏身帶微脆既咖啡醬相比，質感頗有趣
只係呢道菜比我食過既更偏甜味，咖啡苦香淡淡的，也勿論咖啡之澀味
整體感覺偏重香氣及甜味，豬肉部分不老不韌，富嚼勁濃肉香，易入口之選
平時飲咖啡要落糖落奶既朋友應該就會接受到
怕苦澀而唔飲咖啡既話大概都可以一試既xd
參巴茄子
$60
24 views
0 likes
0 comments
呢一道係比較鹹口油身既菜式
參巴醬可謂是東南亞地區既辣椒醬，只係佢既味道不單是辣椒既辣及香
美中不足只係佢比較油膩，食時建議配塊酥餅或是碗熱飯吧
配上吸汁既茄子，惹味得令人停不了口
辣椒、蒜及蔥頭等獨特清香，遇上炸蝦乾既鹹香，全數收入茄子外層
煮得剛好熟透，食落仲係爽既，唔會稔爛至泥蓉
外部充滿鹹香，味濃卻不過份
內層就是一貫既茄子味道，清新一點，算是讓味蕾休息休息
熱薏米水
$25
13 views
0 likes
0 comments
熱薏米水
$25
22 views
0 likes
0 comments
飯後就不吃甜品了，免得甫病好胃口大開又一時太過放任
只點了杯味甜既薏米水，清熱去濕
味道甜香自然，雖然帶少稠，但尚算清新
只是感覺薏米不多，勝在夠綿，入口即化，且有淡香
提到服務，就不得不說
冬天天氣凍嘛，下單後店方就提議不如先上湯
對了，暖暖身是不錯的，讓人感到十分貼心
而且係有先問過，不單是窩心，還有份尊重
Post
