Read full review
2017-03-18
832 views
每次約朋友聚會都諗起Outdark，因為環境好岩傾計，裝修得幾有氣氛，令人好舒服，又唔會太嘈，最岩少少人聚會傾計。不過當然食物先係主角，每次必叫炸雞配米酒。炸雞有唔同味道可揀，當然叫雙拼可以一次過試兩種味炸雞睇得出係新鮮即炸，皮十分香脆，雞肉一d都唔乾，嫩滑得黎仲有肉汁。今次點左香蒜蜜糖同甜辣雙拼，醬汁份量剛剛好裹住炸雞，好香口。蜜糖甜甜地但唔會令人覺得膩，甜辣嘅辣度較低，唔食得辣嘅朋友都可以接受！至於伴碟嘅薯條同樣炸得香脆，但可能醃得唔均勻，有部分好咸...另外付上醃蘿蔔同醬料，醃蘿蔔酸酸地可以消膩；醬料分別係醬油、柚子、蜜糖同甜辣醬，配薯條一流，兩樣配料都可以任添。飲品點左芒果蘋果米酒，米酒用碗上，視覺夠震撼，雖然份量多但酒精濃度唔高，飲哂成碗都絕對唔會醉（並唔係我飲得），有少少果汁嘅感覺，好岩女仔口味！另外加左個自製飯團，超級熱！可以自己動手整飯團食，幾得意而且味道唔錯，不知不覺就食哂。係Outdark食野環境真係好舒服，唔經唔覺就會坐左好耐不過食物因爲全部都熱辣辣，所以趁新鮮食就最正！另外飲品價錢可以平少少就好～
不過當然食物先係主角，每次必叫炸雞配米酒。炸雞有唔同味道可揀，當然叫雙拼可以一次過試兩種味
雙拼炸雞
$192
60 views
0 likes
0 comments
至於伴碟嘅薯條同樣炸得香脆，但可能醃得唔均勻，有部分好咸...
另外付上醃蘿蔔同醬料，醃蘿蔔酸酸地可以消膩；醬料分別係醬油、柚子、蜜糖同甜辣醬，配薯條一流，兩樣配料都可以任添。
蘋果芒果米酒
$125
37 views
1 likes
0 comments
另外加左個自製飯團，超級熱！可以自己動手整飯團食，幾得意而且味道唔錯，不知不覺就食哂。係Outdark食野環境真係好舒服，唔經唔覺就會坐左好耐不過食物因爲全部都熱辣辣，所以趁新鮮食就最正！另外飲品價錢可以平少少就好～
Post
