Big Boils Club

秋風起最適合就係打邊爐，前排經過滾得囍已經很想試下，昨晚終於有時間，就一於入去食好西。 這間火鍋店裝修得好像返到古代宮廷，充滿著皇室的氣派！ 一入到去枱面上已經擺放了一份聖旨，當然要立即接旨啦！ 原來入面是介紹一些湯底， 真係好特別又有趣。 還有枱面上已經為我們準備好火鍋的調味料，放上蔥，蒜蓉，辣椒，香菜，豉油， 更有四小碟小吃，有萵筍絲，酸菜，涼拌青瓜，花生。

湯底亦都很多選擇，今次我們選了順治特色卜卜蜆鍋$168， 鹿兒島日本黑豚肉$98， 日本廣島蠔$88，滾得囍宮廷手打丸拼盤$128，油麥菜$28，和牛芝士一口餃$88，羊肉片$68，宮廷醬芥$56， 梳打水$18，細支裝藍妹$28。

順治特色卜卜蜆鍋 ~ 一上枱的時候個賣相已經相當吸引， 我哋點了少少辣， 可以帶出蜆肉的鮮味。 蜆肉的份量亦都相當多， 仲要每粒都又甜又大隻， 完全無沙！ 食落鮮甜又好味， 仲有白蘿蔔做配料， 蘿蔔吸曬湯入面的鮮味入口更正！ 這一個鍋，很抵吃！

1

順治特色卜卜蜆鍋

$168

鹿兒島日本黑豚肉 ~ 非常新鮮，肉質嫩滑肥瘦適中， 完全不油膩。

鹿兒島日本黑豚肉

$98

日本廣島蠔 ~ 大大隻脹卜卜的， 煮熟之後沒有縮水， 入口鮮甜好味。

日本廣島蠔

$88

羊肉片 ~ 每次打邊爐必定叫羊肉，個人喜好我比較鍾意羊肉的騷味， 雖然一碟只有六片，但是味道非常之好。

羊肉片

$68

滾得囍宮廷手打丸拼盤 ~ 有鯪魚丸，芝心牛肉丸，帶子墨魚丸，菠菜豬肉丸，黑松露野菌鮮 蝦丸， 每款有兩粒， 可以試到不同的口味。 最有驚喜的是帶子墨魚丸，因為真係食到原粒帶子。 至於另外嗰幾款都各有特色新鮮又好味， 喜歡滾得囍的手打丸真材實料又新鮮，讚！

滾得囍宮廷手打丸拼盤

$128

和牛芝士一口餃 ~ 皮薄餡靚大大粒，香濃的芝士味， 還有和牛的肉汁好豐富。

和牛芝士一口餃

$88

整體來說對滾得囍的印象非常之好，打邊爐最緊要食材新鮮，抵讚的是滾得囍菜式的賣相也很有心思。喜歡這裏古色古香帶有氣勢的宮廷裝修， 還有這裏的店員親切友善，是一間有質素的火鍋店。