点心價錢算是中等價，小点$23.8，大$32.8，每位茶$12等，点心紙多數是中和大点，還有其他是特和頂点。侍應全冇笑容，穿便服的更有一種高傲的感覺，又不可以說侍應冇禮貌，感覺好怪。
講番点心，叫了7款点心，1个小食，1个飯和1碟叉燒。点心馬拉糕、山竹牛肉、燒賣、鳳爪、潮州粉果，正常啦，都算好味，我比較喜歡奶黃包，不太甜，夠流心，即使放了很久，仍然流心👍至於手拉布腸粉就麻麻啦，不夠滑身。
香蒜排骨飯，飯香，排骨霖，但係香蒜味不重。最後有碟厚切叉燒，醬汁夠濃，有口感，但不夠霖，幾好味，但未到超正，因為要$128，所以一定有所要求。
環境佈置不錯，可惜比較迫，食物不錯，侍應就高傲，5人平均@$100，間中也可以去。
