Read full review
2022-01-15
148 views
冬天食煲仔飯是必須的！所以選擇嚟到老字號「四季煲仔飯」。一如既往，都係要排好長條隊。等咗大概半個鐘就有得入去食。我哋兩個人叫咗五樣嘢，一人一個煲仔飯，一個菜，一個蠔餅，一個湯。好彩我對面大食，如果唔係都食唔晒。「臘腸滑雞飯加牛肉」啲臘腸原條上，唔算多汁，臘腸嘅味都冇滲入啲飯到，不過飯算乾身。「田雞滑雞飯」嘅田雞好乾身，唔好食，哩間整體嘅肉嘅質素都係好一般。唔好期望會食到好嫩口嘅肉。腐乳通菜衰左係啲菜唔夠靚。蠔餅食落好鬆，但唔脆，似啲油煮得唔夠滾就落去炸咁。最後，芥菜湯就係我最愛。芥菜夠淋又甜，啲湯唔咸，有鹹蛋吊味，所以我每次都會叫黎飲。加埋兩罐汽水，最後埋單要二百幾差唔多$300。食完出黎見到仲係好長龍，感想係係咪真係多人排隊就等於好食？
冬天食煲仔飯是必須的！所以選擇嚟到老字號「四季煲仔飯」。一如既往，都係要排好長條隊。等咗大概半個鐘就有得入去食。
我哋兩個人叫咗五樣嘢，一人一個煲仔飯，一個菜，一個蠔餅，一個湯。好彩我對面大食，如果唔係都食唔晒。
「臘腸滑雞飯加牛肉」啲臘腸原條上，唔算多汁，臘腸嘅味都冇滲入啲飯到，不過飯算乾身。「田雞滑雞飯」嘅田雞好乾身，唔好食，哩間整體嘅肉嘅質素都係好一般。唔好期望會食到好嫩口嘅肉。
腐乳通菜衰左係啲菜唔夠靚。蠔餅食落好鬆，但唔脆，似啲油煮得唔夠滾就落去炸咁。最後，芥菜湯就係我最愛。芥菜夠淋又甜，啲湯唔咸，有鹹蛋吊味，所以我每次都會叫黎飲。
加埋兩罐汽水，最後埋單要二百幾差唔多$300。食完出黎見到仲係好長龍，感想係係咪真係多人排隊就等於好食？
Post
