💥 翠林辣蟹舫 💥
大隻仔今次介紹一間明星飯堂，餐廳門口貼滿大量老闆同明星合照，除咗電視台演員外，仲有謝霆鋒、黃曉明、林峯、張智霖都幫襯過。
餐廳以炒蟹聞名，其中避風塘香辣炒蟹、冰鎮鮑魚、食神炒飯更加係必食之選。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般/正常
1⭐️ 差
味道 ⭐️⭐️⭐️⭐️⭐️
抵食 ⭐️⭐️⭐️⭐️
服務 ⭐️⭐️⭐️⭐️
環境 ⭐️⭐️⭐️⭐️
加一服務費 ✅
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔥 避風塘香辣炒蟹（小辣） $688
餐廳招牌菜「避風塘香辣炒蟹」，用上中式大紅木架呈上，氣派不凡，餐廳選用每日空運抵港新鮮越南肉蟹，每隻都有一斤多，肉質飽滿，啖啖肉，炒辣蟹佈滿避風塘碎，非常香口，鑊氣十足，上枱已經聞到香味。
🔥 黃金皮蛋 $68
黃金皮蛋上佈滿紫薑碎、青椒碎、酸菜碎、酸蘿蔔碎、菜脯碎，多重味道，百感交集。
🔥 冰鎮鮑魚一隻 $128
冰鎮鮑魚真係好好食，夠曬冰凍，用咗日本醬油漬做法，夠曬入味，而且做到肉質軟腍但帶少少嚼勁，非常推薦。
🔥 食神炒飯 $188
真正嘅「食神炒飯」，員工話炒飯係由客串做電影《食神》嘅名廚戴龍師傅親自傳授俾辣蟹舫總廚。炒飯用上意大利野米混合日本珍珠米，可以增加口感，再加入蝦仁、蜜糖豆、蛋絲、蟹子、秘製豉油，味道豐富濃郁，非常好味，會食唔停口。
🔥 油渣炒福菜花 $148
豬油渣好香，上枱已經聞到香味，而且豬油渣炸到剛剛好，不油膩，外皮炸得香脆，內裏軟腍，仲保留到肉汁油份，好好食，福菜花夠曬爽口，充滿豬油香味。
4
4
