呢度可以坐外面一面睇住個海，一面嘆住美食！
難得天氣涼涼地，見同圍都叫左一煲煲既野，仲要係用炭火，好吸引🤤
跟著我地都叫個雞煲，餐廳用沙鍋去煮，加上炭火，keep住煲～～熱辣辣🥰
呢個雞煲醬好好食，叫左小辣岩岩好，仲好入味
每塊雞肉都充滿左辣醬汁既味，辣辣地～肉質又嫩。🤤
食完雞煲再倒入湯再打邊爐，真係一次過滿足兩個食慾～打邊爐就緊係唔少得肥牛啦，所以叫左手切安格斯牛肉
呢個肉質好滑，油花都幾平均，好好食
之後呢個冰鎮菠蘿咕嚕肉打卡一流😍
完隻菠蘿上，淋水落啲乾冰到果下仙氣出晒黎，好靚
味道唔錯，冰凍既咕嚕肉係第一次食，外面都係保持到脆身，肉質爽口，幾特別～
呢度用餐真係好好享受～好舒服，會再黎食
