未食齋睇都已經稱心滿意
食落就知美貌與美味並重
同香港小姐有過之而無不及
配得上香港大學既地靈人傑
率先品嚐墨汁芝士蝦餃
通常芝士放左入點心都會好淡味
但呢個芝士味係極為濃郁
同隻蝦好夾
唯一美中不足係食唔出任何墨汁味
不過本人本身已經滿身墨水
所以唔緊要既
之後再試蜂巢糕
層次既分明又複雜
同真既蜂巢既複雜程度相約
食落好有咬口
味道微甜 清淡之選
金沙熊貓好值得學生學習
因為真係好留心
一撕開包皮奶黃即刻如泉水湧出
唯一可改進既係可以整得更沙
加入咸蛋黃微粒會更滋味
而家比較流質
呢間鋪頭最令人滿意既係服務態度
全鋪好有人情味
有利家閣既家的感覺
食食下野同我地分享小老闆紫菜
然後本來已經收工 都肯幫我地加單
整埋最後一籠點心
最後仲主動問我地係咪港大學生 比折我地
食野最緊要係個氣氛
呢度令人非常窩心
必定會再黎😀😀
