特等一場黎到當然要叫Lobster Roll啦！ 龍蝦份量適中, 咬下去彈口, 而且龍蝦都幾新鮮，同埋包有烘過, 但不算太鬆化，不過我覺得醬汁分量好多，令到成個roll唔會太乾，食落去口感唔錯。不過我對個洋葱圈就非常失望...雖然每條都脆卜卜,但係火候控制唔好炸到燶曬
反而我亦都幾欣賞個coleslaw，雖然平時好多人都覺得coleslaw有一種怪味并唔係個個都中意食，不過我覺得呢個整得唔錯，非常新鮮同醬汁唔會太多而搶左個鮮味。
1
望住佢個餐牌好似樣樣都好吸引咁，係選擇困難症底下我最終叫左個cheesey dog，嘩！嘩！嘩！你睇下面頭有幾多芝士！佢用做三種唔同既芝士 mozzerella、cheddar同parmesan，大量既芝士鋪滿整個熱狗，一咬落去溶曬既芝士流曬出黎，絕對係芝士控必選呀！另外薯條都炸得都算香脆，上面仲加左少少芝士，增添一份鹹味。
整體黎講lobster roll 味道ok 但我覺得價錢太貴啦... 200幾蚊食一個餐我覺得唔太合理，下次應該唔會再去啦
