Hungry Pug

呢間以八哥做主題ge餐廳之前電視介紹過，一直想來試， happy friday撞到間餐廳原來向尖沙嘴就即管試左， 咪比個價錢全部百幾三百幾上好似好貴， 賣單三個人除返開先195$一個， 同埋野食份量係一般餐廳兩三倍， 絕對唔算貴啊。

黑松露炸薯條

人未到齊， 叫左個松露炸薯條， 依個一般般啦， 松露係香ge， 不過唔夠多， 只有兩三條有松露其他就係一般炸薯條咁囉。

安格斯漢堡包

至於main dish， 我同朋友都覺得賣相好睇得來大碟仲幾好味道。 angus漢堡包， 如果同麥記黎比較， 個包係麥記size兩倍。 無嘜沙拉醬，平時漢堡包無沙拉醬會好乾， 依個包塊漢堡淡淡肉汁但係唔會話好油， 連埋一大堆生菜同番茄， 食到你超飽不過唔會好有罪惡感🙊 我鍾意’偽健康‘ge感覺😂

德國香腸拼盤

另外叫左個德國腸拼盤， 依個就麻麻地啦， 有D好粗ge整得唔夠脆， 幼身ge又好油， 薯仔乾左D， 所以點個汁食會比較好。D酸菜酸味有D奇怪， 可能加左煙肉D味掛。

黑松露野菇義大利飯

依個黑松露雜菌義大利飯推薦大家試下， 義大利飯煮得唔錯， 硬得來唔會覺得飯太生。飯裡面D洋蔥粒切得同飯差唔多大粒， 食落去口感更一致， 白汁同松露味道濃郁係個飯ge精髓， 份量以一個女仔黎講，絕對夠食有餘。

芝士西多士

我地叫左個芝士多士， 依個賣相幾特別， 稍微嫌味道唔夠濃同埋多士太軟。