Dazzling Cafe (Windsor House) (Closed)

好多年無食過dazzling cafe, 仲記得以前香港未有既時嘅，去台北會排隊食佢既蜜糖吐司~今日同朋友黎食甜品，平日6點幾已經接近坐滿，人氣依然。今期做緊愛文芒果系列，我地點左芒果蜜糖吐司，草莓waffle同2杯野飲~草莓waffle好快就上枱，大大份好厚身既waffle😍waffle外脆內軟，配草莓雪糕食好味，不過就唔熱，熱食會更好，另外仲有3個sauce(煉奶，草莓醬，蜜糖), 好邪惡。之後既芒果蜜糖吐司好吸晴😍好大份！配左芒果雪糕，吐司烘得好脆，個人覺得脆過頭😂另外吐司盒上面有扮蛋既芒果雪皅，好有趣！本身以為個盒入面無野，點知係塞滿生果，幾有驚喜。飲品方面點左熱水果茶同葡萄柚梳打都唔錯。