半島漁港/阿翁火鍋館

Open Now

Now Closed

是日與好友到灣仔半島漁港吃晚餐。個魚缸魚樂無窮咁非常多海鮮在游呀游呀。仲見到廚師在即場用炭爐燒乳豬所以都唔使考慮$1選擇為極品BB豬。仲有要返個老火湯，優惠三寶（原個菠蘿咕嚕肉/清蒸富貴斑/白汁明蝦球）椒鹽三味（豆腐/鮮魷/椒鹽骨）家鄉小炒皇 。極品BB豬：BB豬個皮夠晒脆夾住一片薄薄油脂在底嫩口既肉，簡直一流好味道。即燒係唔同d保持到肉香又有口感。$1真係超抵食。粉葛鯪魚煲唐排：清甜香濃既老火湯，用料豐富。足料煲出嚟既湯係唔同d既飲完又唔會口乾先係重點。原個菠蘿咕嚕肉：鮮菠蘿帶住酸甜味道。青紅椒新鮮口感，咕嚕肉唔會過肥。酸甜醬汁真係開胃之選。清蒸富貴斑：控制火喉岩岩好，斑肉質鮮嫩鮮味十足。加上熟油蔥段更加帶出魚之鮮味。白汁明蝦球：蝦肉肉質爽口彈牙。椒鹽三味：炸起來時間控制到剛剛好唔會過火。豆腐嫩滑,魷魚鮮味,排骨唔肥膩。家鄉小炒皇：樣樣有從而在口感味道上得到更大層次感。韭菜，三色椒夠新鮮。而蝦干魚干仔蝦仁就夠鮮。菜寶腰果蔥段令菜式更惹味 。仲有好味道紅豆沙送。