Video
Read full review
2017-04-22
2843 views
相約一位老同學食晏，知佢食嘢一向有要求，所以都唔敢太隨便搵間，再者，中環區一放午飯，真喺多人多到不得了，要形容就好似蜂群而出。為咗同老友好好傾吓偈、食餐飯，就專登行上少少揀咗較靜局位處蘇豪區嘅法式小館「Bouchon Bistro Francais」。雖然諗住蘇豪呢邊會人少啲，但估唔到午市嚟到Bouchon客人已唔少，不過，斯文客多，所以，都唔好嘈吵。正好餐廳嘅定位「法式小館」（Bistro）, 環境非常古風雅致，近門口嘅酒吧區故然搶眼，但餐廳內嘅一枱一木，牆上嘅掛畫、古鐘、裝飾，都令到整個環境瀰漫一派古典氣息。較吸引小弟嘅，喺天花一組嘅古典吊扇，靠幾組滑輪加上索帶，來驅動吊扇，夠經典，又有趣。全店都喺以高腳酒吧式枱櫈為主，但餐廳尾有幾組梳化椅（都喺高腳），小弟覺得喺好坐舒服嘅最佳位置。午市主打嘅套餐分為兩道菜（$138）或三道菜（$158），另加一服務費，每一環都有數款選擇，只喺部份菜式需要另行加錢，如法式洋蔥湯。大家都喺好甜品之人，就唔介意俾多$20食埋件甜點啦！百吉包籃平常我哋稱百吉包叫長法包，不過，今次嘅法包唔可以稱上長喇，喺一般嘅長法包1/3長度，但兩個人夠晒食啦。好鍾意佢哋
雖然諗住蘇豪呢邊會人少啲，但估唔到午市嚟到Bouchon客人已唔少，不過，斯文客多，所以，都唔好嘈吵。正好餐廳嘅定位「法式小館」（Bistro）, 環境非常古風雅致，近門口嘅酒吧區故然搶眼，但餐廳內嘅一枱一木，牆上嘅掛畫、古鐘、裝飾，都令到整個環境瀰漫一派古典氣息。
較吸引小弟嘅，喺天花一組嘅古典吊扇，靠幾組滑輪加上索帶，來驅動吊扇，夠經典，又有趣。
全店都喺以高腳酒吧式枱櫈為主，但餐廳尾有幾組梳化椅（都喺高腳），小弟覺得喺好坐舒服嘅最佳位置。
午市主打嘅套餐分為兩道菜（$138）或三道菜（$158），另加一服務費，每一環都有數款選擇，只喺部份菜式需要另行加錢，如法式洋蔥湯。大家都喺好甜品之人，就唔介意俾多$20食埋件甜點啦！
百吉包籃平常我哋稱百吉包叫長法包，不過，今次嘅法包唔可以稱上長喇，喺一般嘅長法包1/3長度，但兩個人夠晒食啦。好鍾意佢哋加張紙墊住個籃，又將啲牛油加張蠟紙隔一隔，讓人感覺更衞生。
法包喺熱烘烘，外皮硬得嚟唔會咬到損，非常脆口有麵粉香，而裡面軟綿綿好軟熟，卻又有重煙韌感，搽啲牛油，增加少許鹹味，簡單好食。
Soupe a L’Oignon（+$18）嚟到法式菜館，老友話唔飲過法式洋蔥湯就好似無嚟過，可能咁講會誇張啲，但洋蔥湯又確喺法式經典。賣相已經好對辧，以小鐵窩盛載滿滿嘅洋蔥湯，一揭起面頭塊艾文頓芝士，洋蔥香氣就一湧而出，一大片厚厚嘅百吉包吸透湯汁，夾雜芝士一齊食，朋友話喺滋味嘅享受；再者，洋蔥味很濃郁，帶甜而完全無澀味，令人喜出望外。
Soupe a L’Oignon（法式洋蔥湯）
89 views
0 likes
0 comments
Salade de Figues Rôties雖然唔識法文，但每道菜都有所用食材嘅英文名稱，依道以烤無花果、羊奶芝士、合桃，配上沙律菜、青瓜粒、車厘茄非常清新，而且，份量可不少。整體味道好又元化，多變而和諧，鹹甜相互平衡，而撈沙律菜嘅紅酒醋加咗蜜糖，酸度平衡番，感覺就更好食。
Salade de Figues Rôties（無花果、羊奶芝士沙律）
148 views
1 likes
0 comments
Chicken Leg主菜方面5揀1，老友揀烤法國雞脾，聽落食雞脾好似無乜特別，其實主要食食材質素。雞脾烤得金黃，外皮脆卜卜，肉嫩而富雞肉味，唔喺嗰啲雪到死晒可相比，而啲法式香草牛油（Café de Paris Butter）溶溶哋滲落雞皮、雞肉中，令味道就變化得更為芳香；底下墊滿法式綠扁豆（Puy Lentils），口感腍腍，有啲似煲腍咗嘅綠豆咁。
Steak Frites幾款主菜，都喺牛扒最滿足到我依個食似獸，甫上枱，份牛扒份量十足，應該唔止慣常嘅8安士吧！牛扒煎得焦香並帶有坑紋，睇外觀已引得人流晒口水，伴菜有大量幼身薯條及炒洋蔥，前者甘香脆口，重點喺唔油，後者則炒至清甜。
Steak Frites（烤牛扒）
68 views
0 likes
0 comments
Tarte du Jour如果得啲法文字真喺唔知喺乜，其實喺是日撻品，不過，與其稱之為「撻」，喺是日蛋糕啱啲。之但喺，件香梨蛋糕仍屬高水準之作，下層海綿蛋糕好鬆軟，上層香梨蓉好清甜，伴以鮮打忌廉及紅桑莓，賣相清新怡人。
Mousse Au Chocolat老友則點選朱古力慕絲，小弟滔一小羹試試，已經食得出朱古力味夠晒香濃，而且，啲慕絲做得細滑輕盈，仲好手工一層層咁由底唧上去，比起填滿式做法更見心思，賣相更靚仔。此外，仲加埋少少海鹽焦糖漿、紅桑莓，令味道更豐富。
Mousse Au Chocolat
79 views
0 likes
0 comments
試過Bouchon嘅午餐，質素確喺高水準，用料無欺場，怪唔之得位置咁吊腳都有咁多人嚟幫襯食晏，再者，甚有法國小館子嘅氣氛，值得嚟食餐好嘅！
Post
