長洲我黎過幾次,
但係呢間菜館都係第一次試.
我地係食套餐既,五個人三餸一湯.
我地11:30左右坐低先岩岩開舖,
冇乜人就要求坐入面有冷氣.
環境一般啦,小本經營,
桌椅都叫乾淨.
白飯任裝
但係我地都食唔到咁多飯,
反而個湯我地就再添,
好似本身係冇得添架但係個老闆娘都好好人咁添俾我地
我個人就好鍾意飲湯既
芝士斑塊
睇色澤已經覺得好靚,夠金黃
芝士汁都唔夠仲要加埋芝士粉,
芝士味香到爆!
脆口又夠熱,認真冇揀錯
d汁撈飯一流
黑椒牛肉粒
佢個真名我唔記得啦,
西芹蘿蔔腰果同牛肉粒,
冇咩驚喜,仲稍嫌牛肉粒同西芹比例差太多
蒜容粉絲蒸扇貝
味道唔錯,
但係唔夠粉絲要爭食
舊扇貝太薄啦唔夠喉
我幾鍾意呢類型既食店,
一大班人分甘同味傾下計又熱鬧又開心
