Read full review
2018-06-03
725 views
呢日氣溫高達34度，同老公揸車去左錦田市中心揾地方食Bunch, 最後揀左華苑餐廳因為呢間餐廳喺對面馬路有個細細地嘅私家停車場畀食客泊車嘛。餐牌上有好多食物選擇，但考慮到餐廳坐滿人的關係，為左減少等餐嘅時間，我老公同我最後都係揀左6款精選午餐中的自選咸蛋四寶飯($45)配熱檸茶(熱飲免費)。四寶中的紅腸同咸蛋都係餐廳選定嘅，我另外揀左燒肉同燒鵝。上菜速度好快，唔洗一陣已經送到。呢個四寶飯好有質素，燒肉係6嚿脆皮燒腩、燒鵝竟然係肥美嘅燒鵝脾，紅腸亦都好好味，飯量夠，仲有幾條菜芯，唯一少少美中不足係咸蛋好似醃得唔夠耐，顏色偏淺同味道偏淡，其他我都好滿意。檸檬茶亦唔錯。呢度有有得泊車，食物質素亦唔錯，價錢亦合理，我哋會再嚟幫襯！
餐牌上有好多食物選擇，但考慮到餐廳坐滿人的關係，為左減少等餐嘅時間，我老公同我最後都係揀左6款精選午餐中的自選咸蛋四寶飯($45)配熱檸茶(熱飲免費)。四寶中的紅腸同咸蛋都係餐廳選定嘅，我另外揀左燒肉同燒鵝。
上菜速度好快，唔洗一陣已經送到。呢個四寶飯好有質素，燒肉係6嚿脆皮燒腩、燒鵝竟然係肥美嘅燒鵝脾，紅腸亦都好好味，飯量夠，仲有幾條菜芯，唯一少少美中不足係咸蛋好似醃得唔夠耐，顏色偏淺同味道偏淡，其他我都好滿意。檸檬茶亦唔錯。
呢度有有得泊車，食物質素亦唔錯，價錢亦合理，我哋會再嚟幫襯！
Post
