Burgeroom (Fashion Walk)

今日同男朋友去左銅鑼灣行街睇戲。係呢個繁華鬧市入面，竟然比我地搵到一間食burger既好地方！寧靜舒服既環境配美味既食物，真係人生一大享受！店員有禮又細心，見到有客人對食物有興趣會主動上前解答佢地既問題。值得一讚！

餐廳外面

內裡既裝修環境吾錯，令人感覺舒服。我提議大家可以同三五知己去試下呢度既burger同傾下計。

1

內裡裝修

我同男朋友試左小食脆薯蝦 同出名既”雙鵝肝軟殼蟹漢堡”。先講小食：脆薯蝦，一圈圈既薯仔絲包住一隻隻大蝦。入口好香脆，我建議大家可以點茄汁一齊食。因為茄汁配薯仔一流 ^^

1

脆薯蝦

試完個小食，就到主菜：”雙鵝肝軟殼蟹漢堡”。一黎到真係覺得好吸引，兩件香氣十足既鵝肝加大大隻既軟殼蟹令我地兩個急不及待開餐啦。

2

雙鵝肝軟殼蟹漢堡

大家想係第一時間品嚐到呢個漢堡而又可以食到儀態萬千？哈哈，我夠膽講：好難呀！我同男朋友兩個不顧儀態大大啖去食個burger，真係好好味！熱辣辣既麵包加一層層既生菜，蕃茄，沙律醬，再同大大件既鵝肝加軟殼蟹。真係好滋味^^生菜，蕃茄令鵝肝同軟殼蟹一d都吾油膩。我地兩個咁大個人都未食過咁豪華既burger而且覺得好滿足^^今晚真係好開心！