入座無人理所以自己揀位。
因為近香港公園有個河邊好靚好多網站推介，
所以特登過黎食聚聚。
主餐大概25-30分鐘到齊，
食左無15分鐘已經俾人吹賣單，放低左個結帳薄叫我地對單，因為未食完野我就無理放住繼續食。
主食都好普通，款式吾多，
假期一個人$200幾一個set再加一，無其他餐揀。
之後叫個卡邦尼意粉食左3分2職員就過黎話收走，我話未食晒佢先放低，再隔左5分鐘又黎話張枱有人訂左位，如果有人訂不是入座前講明嗎？未食完就係咁趕我地走非常掃興。
之後我話未食完咁係咪要走？入座又無講明限時，而且食左一個鐘都無落單時間計起食左55分鐘，25-30分鐘先到齊野食。
最後佢叫我地戶外坐即係趕人走啦，非常差既體驗，戶外超多蚊，唯一係戶外職員細心問你要吾要蚊拍水。
除左個境靚吾值得$500幾食尼餐限時飯餐體驗差，衰過食快餐。
1
1
