1
🌟阿拉斯加蟹膏蟹肉蒸蛋🌟真係好有料🈶蟹膏濃到似海膽cream咁滲落滑溜蒸蛋，間中咬到絲絲蟹肉，鮮甜到～
🌟 阿拉斯加長腳蟹🌟店員好細心預先拆好蟹腳，啖啖肉完全係懶人福利。最正係蟹蓋入面啲膏，濃郁程度直逼北海道旅行食過嘅鱈場蟹！
🌟鮮活北海道北寄貝🌟見到隻北寄貝上枱仲輕輕郁動，蒸完入口竟然脆過翡翠螺！
🌟蘇格蘭刺身带子（海草配西京麵豉）🌟帶子刺身配個西京麵豉醬好鬼夾，甜甜哋帶出帶子嘅奶香~
🌟 法國野生深海白鱈魚🐟蒸到啱啱離骨，魚油香係會喺舌尖慢慢化開。店員教我連魚皮一齊食，果陣膠質黏嘴感...嗯，果然係「深海牛油」！
🌟每天手打鮮製墨魚滑+蝦滑🌟墨魚滑居然暗藏墨魚粒！蝦滑就彈牙到可以打乒乓波🏓
🌟 日式蟹皇雜炊🌟以為飽到食唔落？個蟹皇雜炊先係精粹🤤店員將蒸海鮮滴落嘅精華湯底煲粥，倒入蟹膏同蛋花攪成金黃色，唔意外又係我包底清哂😋
1
仲有…
芝士樱花蝦鮮鮑魚
日式京蔥醬油走地雞
新鮮野菜盛盒
1
日式甜品
望住維港啲船仔慢慢來回，唔覺唔覺食咗3個幾鐘。冇專人幫手蒸同望住個無敵夜景，感覺去咗幾個鐘旅行。就嚟母親節，諗緊帶媽媽過黎chill下✨
