Read full review
2017-02-17
404 views
同朋友聚會想食燒肉,又唔想一味淨係食宜家大熱嘅韓式燒肉,就試左呢間日式燒肉。食日式燒肉之前有前菜壽司同刺身。不過聽侍應哥哥講,每日嘅壽司都唔同,由師傅話事。壽司同刺身都算新鮮。跟餐有個小食,我地又揀左壽司,炸蝦卷。黎到我最期待嘅環節喇,燒肉到!!食材都好新鮮,唔點調味料都好夠味,朋友話d牛好嫩滑,因為我唔食牛所以叫左個少牛嘅套餐。最後食埋個鍋燒烏冬同甜品就完滿喇。甜品冇影到因為係一粒雪米糍。呢度環境好寬敞,檯同檯嘅距離適中,同朋友傾密計都唔會俾人聽到~仲有好多唔同部位嘅燒牛肉套餐,鐘意食牛嘅朋友,下次要帶都係鐘意食牛嘅朋友去啊。
Post