佢話呢間茶居經濟實惠, 又坐得舒適.
我哋選擇咗近玻璃嘅卡位, 座位的確寬敞闊落, 仲有少少日光照落嚟.
茶具幾別緻, 但茶位都只係茶位5蚊一位!
<<鹽焗手撕雞腸粉>>
估唔到呢D新式FUSION點心都有.
腸粉淋上甜醬, 麻醬同芝麻.
雞肉連皮上，配上芝麻, 口感惹味!
<<蟹籽燒賣>>
賣相唔錯, 上枱仲熱辣辣.
一粒一口, 爽口彈牙.
<<蔥燒黃金大餅>>
外酥脆內鬆軟, 食到淡淡嘅蔥味.
<<窩蛋牛肉生滾粥>>
大大窩, 白雪雪.
撈起見到牛肉片, 同好靚嘅流心蛋.
<<奶皇包>>
熱辣辣軟綿綿, 好食.
