一入到去見到個餐牌已經係一大碗嘅羅宋湯，我估呢間餐廳應該對自己嘅羅宋湯有相當大嘅信心。我當然就叫咗個羅宋湯下午茶餐啦，有兩種選擇一種係牛腩，一種係豬肉，羅宋湯我覺得最夾嘅始終都係牛腩。嚟到一飲味道都相當唔錯有少少辣又唔會好搶猴，整體嚟講都係好味嘅，之後我叫咗兩份小食一份係蝦多士同埋一份雞翼，蝦多士相當之好食好脆口，而家香茅雞翼嚟嘅有陣陣嘅香茅香滲出嚟！
而最後我亦都叫咗個牛扒包，但係個牛扒包我覺得牛扒有啲硬，但個包就好鬆軟，一啖咬落去咬唔斷食起上嚟會比較論盡。整體質素我覺得同佢價錢嚟講都係物有所值！如果大家有機會去開新世紀廣場而又鍾意飲羅宋湯嘅話可以一試㗎。
