唔知大家會唔會同我一樣食車仔麵嗰陣，每樣餸都想嗌真係揀到頭都痛！如果大家同我一樣嘅話，推薦大家嚟永年試吓佢哋嘅大碗麵，一碗麵有齊10個餸，分別有豬腸、魚蛋、蘿蔔、豬紅、豬皮、雞翼、雞翼尖、咖喱魷魚、紅腸、時菜，非常之豐富！呢10個餸入面，我覺得豬腸、豬紅、咖喱魷魚就最有特色最好味（聽店員講，呢個咖喱魷魚係沙田店獨家架）！😋😋 另外麵底方面，佢哋都有七款唔同選擇，分別有油面、粗麵、幼麵、米粉、河粉、烏冬、米線～至於醬汁方面，我自己就最推介永年手工麻辣汁，惹味又有特色！
永年雜扒鐵板餐🥩 $166
原來永年除咗車仔麵之外，而家仲推出咗好多唔同嘅主食選擇，例如鐵板餐、焗飯、海南雞飯等～我哋今次就揀咗雜扒鐵板餐，入面有齊美國頂級西冷扒🥩、嫩滑雞扒🍖、火腿🥓、香腸，大大份性價比高！套餐另外仲包咗牛油果薯仔蝦沙律🥔同埋 薯條🍟
除咗主食之外，佢哋亦都有好多款唔同小食選擇，我哋今次都揀咗兩款試吓，包括秘制瑞士雞翼（4只）🐔 $38 同埋 牛三寶 （牛柏葉 、牛肚、牛筋）🐮$38，兩款小食都整得好入味，朋友對佢哋嘅牛三寶更加係讚不絕口！👍🏻👍🏻
飲品方面，佢哋都有好多唔同嘅特飲選擇，我哋就分別揀咗菠蘿冰🍍 （套餐加配$15 ）同埋 涼粉冰（套餐加配$15）～
