由於怕人多所以五點左右已經去到，諗住已經全場最早，估唔到都有兩三枱客。
門外設有凳位比人等位用，亦有金橘檸檬俾人飲，對喺夏天等位嘅人來講非常貼心。
先講主菜-烤魚
種類方面有四種魚可以揀分別係：桂花魚，江團魚、海鱸魚同清江魚。然後就揀做法，因為朋友唔食得辣關係，我地揀左桂花魚配蒜香酸菜味同海爐魚配菌香豆豉味。
桂花魚入口嫩滑，魚肉索晒啲酸菜味，再加埋蒜香好野味。
菌香豆豉全部鋪晒係條魚上面，條魚都好入味，去到後面仲覺得咸要溝返啲水。而海爐魚雖然肉質比較實，但又唔會好鞋。
串燒方面就叫左兩件烤羊架，兩份蒜香燒扇貝，烤雞中翼兩串，兩串烤肥牛金針菇同燒茄子一條。特別想讚下羊架羊架香得嚟唔羶，而且加埋孜然粉可以話係更上一層樓。
食左咸野梗係要飲返啲甜野，我地四人就叫左兩杯荔枝特飲，一杯水果茶，一杯芒果至尊。
由於一條魚既份量都好大份兩個人食一定飽，雖然我哋四個人，但係我哋叫左兩條魚同埋好多串燒，最後真係食到好滿足咁走。
1
