Honbo (Closed)

係沙田新城巿廣場行街，經過人氣burger店，點都要去試吓佢哋最出名嘅漢堡包。店門面用藍白做主題，充滿歐美風格，室內都有幾個打卡位，絕對適合影靚相。餐廳好環保，以瓷器裝載食物，減少包裝的紙張，幾好，值得一讚！我同朋友都係揀左同款burger，但就係唔同小食。🌟Honbo +Fries個包搽咗牛油再煎香，食得出外脆內軟嘅口感，最獨特嘅自家醬料配佢嘅牛肉，牛味比起一般漢堡濃郁好多，生熟程度很好，好juicy，裡面有芝士、洋蔥、酸瓜，配料足。好好味！朋友揀左芝士薯條，係幼身款，熱辣辣，非常香脆，份量好足。而我揀左芝士薯寶，一啖一粒，好滋味，一樣咁香脆，幾好食！🌟Mike’s LemonadeLemonade味道酸酸甜甜幾開胃，有薄荷和青瓜碎，成個配搭同burger好夾，好清新。🌟Apple Pie Tea淡淡的蘋果乾配上清香的玉桂味，帶出一陣清新感覺，幾好fresh。味道唔太甜，可以中和burger的油膩感。