但區內小賣店既競爭同樣激烈! 只要係openrice扒一扒食評就會知道有兩三間雞蛋仔店大受好評~
最出名既有長期人龍店'mummy' 而第二間就係呢間坐落於大沽街既不起眼陳年小店
店名既然以區為名 相信對自己一定好有信心 今日決定試一試是妳是龍是鳳!!!!
去到見個MENU都有好多種唔同既組合 由於琴日先食左一低雞蛋仔 唔相連食兩日
因此今日食左況一名物~格仔餅
原味既格仔餅賣9蚊 比起'mummy'平
芝麻味賣11蚊 朱古力味好似賣13蚊 anyway~都係平過呀'mummy'
今次食左芝麻格仔餅($11)
老闆即叫即正~前後用左2分鐘左右
餡料有牛油,花生醬,砂糖當然重有黑白芝麻啦
見老闆係咁落係咁落 睇到都流哂口水 好似啲料唔洗錢咁 正係呢點未食都已經要加佢分啦
拎上手 暖粒粒的但唔係辣手 因為老闆係正好之後放左佢一陣 等佢唔會太熱
咬一口 夠脆又夠熱 好正
加上入邊既混醬同芝麻就如之前所說 真係多左一口都有
大家可以睇睇圖~
食完我覺得好滿足 因為價錢比起同區名店平 最緊要食物品質又差唔多喎~
又冇咁多人排隊喎 唔洗等10分鐘先有得食!(對唔住呀老闆XDXD)
下次會再去食佢既雞蛋仔的!
