今晚兩人叫左兩道主食、一客小食、兩杯飲品
🔼 水牛城雞翼$88
雞翼都肥美多肉，一口咬落去第一下就食到好香牛油味好肥仔，整體都炸得外脆內軟滑好多汁，配佢點既醬（似冬陰公味），感覺東南亞特色口味咁，同我印象中水牛雞翼陣味唔太同，但都好味既。
🔼 黑松露干貝奶油燉飯 $168
味道好好，奶油香、玩試藜麥同啲脆脆菇，成件事好有口感，帶子好大粒多汁，一望落去覺得好細碟，但其實份量剛好，因為都足料。
🔽第二道主食：哇沙比手打蝦餅漢堡 $168
漢堡個包唔係大，蝦餅都厚同彈牙有蝦肉口感，中間配上醬汁（似剛剛水牛雞翼既冬蔭公醬）所以味道有啲撞左。有配薯條，放左陣仲脆脆新鮮。
🔽 百香果梳打$68
好清新涼爽，有香香百香果又有啲籽既口感，味道不錯，好解熱。
🔽 凍百利甜酒朱古力 $78
一飲落去覺得好凍朱古力，帶點點橙酒味。
💭總結：整體味道水平都好，但未到驚艷。黑松露干貝奶油燉飯係好味既。但另外兩道醬汁撞左味就扣左分了。
CP值就麻麻，尤其飲品比較貴。
