之前食過原味泡芙真係好！好！食！我仲買去投餵教練🤣開心果泡芙係每日定時出又每人限購兩個，雖然唔係開心果fan但期待值都會高少少🤏我係擺雪櫃第二日早餐先試，泡芙皮冇話變淋變軟，內餡量夠多又唔甜，不過開心果味就唔算好濃，啲味主要靠面頭嘅開心果碎碎，焗過之後果然唔同咗😃個皮會脆口啲，同埋成個開心果味都會濃啲啲，內餡更加順滑。不過比起原味呢個好似會heavy啲，我個人更鍾意原味🤭
油麻地店嘅兩款特色布甸包都好出色（當然原味布甸包都好食嘅）所以佐敦店嘅朱古力布甸包我都幾期待下，雖然我平時其實都好少食朱古力🤣可以見到個朱古力層係好smooth咁仲有金箔點綴，就咁食同焗過之後內餡口感同味道就差別唔係好大，但個法包就會脆啲更好食，內餡朱古力層真係味道超濃郁，用70%黑朱古力整所以完全唔會甜，同下層嘅custard好match，我一個對朱古力冇咩特別嘅人都覺得係非常值得一試嘅布甸包😘
開心果脆脆泡芙 7.0/9
比利時黑朱古力布甸包 7.5/9
OVERALL 7.5/9
其實我仲有試新品椰香芋泥包都唔錯，我真係唔捨得呢間麵包店呀🥹
1
