每次行過都見門口排長龍，所以試吓排下，睇吓係咪真係咁好。
頭兩次排咗15分鐘，條龍都唔郁，而前面起碼有5/6枱，所以放棄..
第三次排隊，前面只得兩枱，心想：「飛雲，今次機會嚟啦！」
拿拿臨排隊，不過，最後都排咗36分鐘先可以入座！🙈
好彩，食物質素同味道都真係唔錯，不枉我浪費了生命中36分鐘！🤣
-湯粉個湯底好重肉味！👍🏻
-撈檬居然有菠蘿絲，好開胃！🥰
-春卷熱辣辣，皮薄且脆！😋
-連免費的水，味道都好特別，淡淡清香，原來加入班蘭葉，忍唔住飲多幾杯水！😝
希望下次唔使排咁耐隊！
I will be back! 😍
