Flames (鴻圖道)

Open Now

Now Closed

每逢星期日或者假日呀，想同阿囡食個早午餐就第一時間諗起呢度，休閒放鬆嘅好地方，近地鐵站巴士站，之後去邊都就腳。上次黎食牛，今次食豬先，厚切啖啖肉喎，呢塊係豬梅肉嘅關係，就算切大舊啲食都好易咬，加埋啲燒烤醬，好有高質叉燒嘅感覺。兒童餐既長通粉係大筒型，食落去啲肉醬係曬入面，欣賞佢煮得乾身啲唔會有啲醬汁係咁滴到四週圍，小朋友自己可以處理得好好。薯條同set lunch嘅原來都有分別，無咁炸同唔辣，細心度十足。中午時間天氣好熱，追加埋個甜品雪糕食，好幸福呀，仲有唔同味可以揀，估唔到賣相仲好靚有花花，超值。