天龍海鮮火鍋 (Closed)

有朋友上網見到呢間做緊六折，睇左下餐牌都抵于是大家試下，我去過試過都幾好味，于是同意再去。朋友見到餐紙有椰子雞，于是想試，等左:幾分鐘，店員拿著過來，好遠已聞到好香，一兩分鐘左右滾左，好香甜，$198六折$119都抵嘅，店員話椰肉打碎左一齊煲㗎，重見到有海底椰絲幾甜，唔怪得咁好味，正。雞都幾滑，新鮮海鮮拼盤認真扺食，有條石班，好鮮甜，鮑魚新鮮甜美，幾大隻下，蝦重郁緊，加埋椰子雞湯更加絕配，蜆還可以，都大隻，最喜歡都係魚炸響玲首要推介：即炸，夠脆，有紫菜在內面，即刻使佢層次唔同哂，下次試佢其它嘢，見到還有不少特別食物。