Saravanaa Bhavan

呢排比較想健康啲，就想試吓唔同嘅素食，唔好以為素食淨係會好清，呢一間比印度人較多元化因為係印度菜! 我同朋友兩個放工嚟，雖然已經坐得幾滿，但好彩都唔使等位！而呢度嘅侍應全部都係所以感覺都好正宗，佢哋仲會識少少廣東話添㗎。

我地就叫咗三個菜同埋一杯嘢飲:

1) 特製薩拉維亞套餐

有好多唔同汁嘅選擇，仲有配白飯同埋薄餅。

咖喱有少少辣不過都接受得到，有啲係洋蔥汁同埋好似係牛油果汁，酸酸甜甜地咁，都幾特別。如果有選擇困難症嘅朋友可以食下呢一個，因為有好多唔同嘅選擇都可以俾你dip，唔使下下淨係食咖喱咁濃味。


2) 魔鬼辣薯仔

呢一道菜都幾辣，如果唔食得辣嘅朋友不建議試。但佢嘅薯仔炸得好脆，好有口感！成個味道有少少似平時四川麻辣嘅菜咁，唔似印度菜。


3) 瑪沙拉牛油雜菜

呢一個雜菜其實係一個咖喱製成嘅，個咖喱底好好食，唔太辣又熱辣辣咁上，加埋少少薄餅一齊食簡直係正！佢嘅雜菜主要係豆，所以鍾意食豆嘅朋友仔不妨一試！


4) Mango Lassi

同平時出邊飲開嘅味道差唔多，酸酸甜甜，可以中和返食咖喱嘅辣！