高質丼真係唔係成日見到！依間仲有得打邊爐、飯類、丼類，好多選擇嫁！本身想叫龍蝦丼，不過店員話冇貨，真係有d失望啊... 最估唔到係連拖羅蓉都冇呢🙈所以就叫左我本身想要既海膽魚子爆丼，之後就試下個紅白炙燒丼。
1
海膽魚子爆丼... 必叫海膽丼😍份量我諗差唔多有半板咁多！海膽味道鮮甜，每塊都好完整！好食過好多連鎖店！三文魚子粒粒包滿，一樣都係咁鮮😚
1
紅白炙燒丼... 入面有炙燒群邊、炙燒三文魚同炙燒三文魚腩，炙燒過既魚生油脂更香更豐富！兩款丼底下既並非普通白飯，而係日本米赤醋飯😚有少少味道，但我鐘意再落少少豉油調下味
丼飯仲有日式綠茶同麵豉湯送，丼飯望落份最唔多，但食哂成個餐都好夠飽嫁。
