特式脆皮海皇腸
腸粉包住春卷，非常脆口，入面包住捲心菜，蝦肉， 油而不膩！
蒜蓉蝦春卷
餡料係同脆皮海皇腸一樣嘅！
金絲香芋酥
外面炸得非常金黃香脆，入面係甜甜嘅芋頭蓉， 好啱做甜品！
晶瑩鮮蝦餃
有原隻新鮮蝦及筍絲
黑金流沙包
包應該係用黑芝麻做的，入面有熱辣辣嘅奶黃流沙， 不會太甜
海皇魚湯餃
好大件又非常原整👍🏻👍🏻👍🏻有菇，蝦，雞肉， 蟹柳，仿翅， 湯有點胡椒味，唔會太濃！
溏心紫薯酥
入面係番薯， 外皮脆咯咯，好有層次感 👍🏻👍🏻👍🏻
爆汁墨魚燒賣
食唔到有爆汁但係食到有大大嚿嘅墨魚肉做嘅燒賣， 好彈牙，所以都幾特別！
魚肚滑雞扎
魚肚大件，芋頭非常香, 好足料！
炭燒豬軟骨配豬骨湯拉麵
麵底比較一般但豬軟骨夠曬淋而且好入味， 湯唔會太濃味，唔會落得太多味精
