凱悅軒

Open Now

Now Closed

第一次黎食，因為見到有7折，試吓新嘢。餐廳環境舒適，服務都幾好。見佢哋推介今期新菜式苦瓜，咁啱我又好中意食苦瓜，試左話梅苦瓜，苦瓜凍糕，微微嘅苦味，先係苦瓜嘅精髓，清新又開胃。小食炸山藥，蟲草花，香脆可口，食到停唔到口。再試埋傳統菜式燻雞，雞滑得黎啖啖有煙燻香味。欖角骨，酸酸甜甜，肉質鮮嫩。最後食埋甜品蛋白杏仁茶，紅豆沙，芒果布甸，三個之中我最愛杏仁茶，因為食到自家製的味道。酒店嘅中菜果然有啲水準。如果長期有7折就真係好抵食。酒樓既價錢食到酒店嘅質素。下次可以再試埋其他菜式。