入到去好好彩咁坐到窗邊，景色唔錯，之後因店員推介叫咗幾個餐廳特色餸菜。
糖心黑蒜海底椰豬展湯 $68
湯飲落好香黑蒜味，而且好入味，飲落唔覺係味精湯，配上海底椰既清甜，好好飲！❤️
豉油王頭抽飯焦蝦 $118
食落幾有趣，有少少似炒飯，但又有啲飯焦，以蝦用頭抽炒過吓，再炸一炸，令到蝦殼好鬆脆👍🏻
冰鎮鮮菠蘿咕嚕肉 $138
賣相吸引，一黎到係咁噴煙😂食落菠蘿好新鮮，如果咕嚕肉冰鎮完之後外脆內鬆軟，好食！😋略嫌肉比較細粒。
京川汁秋葵 $48
京川汁做得不錯，酸酸地加上蒜香食落好開胃，秋葵清爽，切開咗之後擺到好似一朵花咁，係一個唔錯嘅前菜！
鎮江水晶餚肉 $48
呢個都幾好食，不過冇咩特別。
詐糊 $68
其實即係椰汁桂花糕，面頭貼咗啲用米紙做嘅麻雀字，幾得意！而且細細粒，一啖食得晒啱啱好🥰
整體來講餸菜幾有特色，環境亦舒適，可以再黎試！
1
