✦ 慢煮熟成美國優質牛肉
肉汁充沛、鎖喺肉入面，肉感嫩滑，整體牛味香濃。另配拉絲芝士蕃茄醬意粉，熱辣辣、煙飄到去隔籬枱，芝士拉出絲、感覺邪惡，酸甜蕃茄醬意粉口感有彈性。港式香濃沙嗲醬味道濃郁，咸香更加吊出肉鮮。
✦ 慢煮極上日本豚肉
豚肉肉感鬆軟。另配蒜香醬油炒泰國絲苗，份量多，感覺似糯米飯，口感煙韌有彈性、亦keep到米香。芥末籽肉汁微辣唔嗆鼻。
✦ 炸雞小食
有三大舊，炸得啱啱好，表面脆成香脆、內裡保持嫩滑。值得一提係醬汁，少甜微辣，惹味。
肉類、主食、topping、醬汁都可以自己配搭，唔同口味嘅人都適合。
