Read full review
2018-09-10
8831 views
之前同同事黎過呢間餐廳食午餐,當時佢既海鮮拼盤最令我深刻。今日決定舊地重遊,一試佢既晚餐。餐廳位於19樓,偌大既玻璃窗外係高聳高樓大廈,五光十色,仲可以欣賞到不遠處既維港景色。原來夜晚仲會有結他手駐場表演,幾有氣氛。乳酪蟹肉鮮蝦芒果沙律有兩隻新鮮大蝦,蔬菜,芒果,最特別莫過於配搭爆爆珠,配上微酸醬汁,酸中帶甜,非常開胃,整道菜感覺好清新。蘑菇湯散發住黑松露既香氣,有粒粒蘑菇碎增加口感,味道濃淡得宜,唔會有膩既感覺。松露煮日本年糕醬汁係呢道菜既靈魂👍🏻醬汁濃稠,黑松露味道香濃,年糕軟糯,同醬汁融為一體,味道唔單調,連平時唔食年糕既我都覺得非常好食!橡果級黑毛豬肉黑毛豬肉肥美厚肉,肉質中間係粉紅色,好靚!而且配菜有菠蘿,羽衣甘藍同蕃茄,賣相色彩豐富之餘,有益又好食。黃油雞扒配松露鮑魚非常鐘意呢道菜!雞肉好嫩滑,啖啖肉,雞皮有油既甘香,肥瘦比例適中,配上香濃醬汁,令味道更上一層樓。有紫薯芋泥,加分!最後附上是日甜品🍮呢個中規中矩,冇咩特別。平有平食,貴有貴食。今次想食多啲,就嗌左二人餐,人均消費約$500左右,食物質素絕對對得住呢個價錢,真心好食,十分推薦呢度既二人餐。
乳酪蟹肉鮮蝦芒果沙律
有兩隻新鮮大蝦,蔬菜,芒果,最特別莫過於配搭爆爆珠,配上微酸醬汁,酸中帶甜,非常開胃,整道菜感覺好清新。
蘑菇湯散發住黑松露既香氣,有粒粒蘑菇碎增加口感,味道濃淡得宜,唔會有膩既感覺。
松露煮日本年糕
醬汁係呢道菜既靈魂👍🏻醬汁濃稠,黑松露味道香濃,年糕軟糯,同醬汁融為一體,味道唔單調,連平時唔食年糕既我都覺得非常好食!
橡果級黑毛豬肉
黑毛豬肉肥美厚肉,肉質中間係粉紅色,好靚!
而且配菜有菠蘿,羽衣甘藍同蕃茄,賣相色彩豐富之餘,有益又好食。
黃油雞扒配松露鮑魚
非常鐘意呢道菜!雞肉好嫩滑,啖啖肉,雞皮有油既甘香,肥瘦比例適中,配上香濃醬汁,令味道更上一層樓。
有紫薯芋泥,加分!
最後附上是日甜品🍮
呢個中規中矩,冇咩特別。
平有平食,貴有貴食。今次想食多啲,就嗌左二人餐,人均消費約$500左右,食物質素絕對對得住呢個價錢,真心好食,十分推薦呢度既二人餐。
Post