上海街618號係一座活化唐樓，更係而家文青打卡聖地
天台就有間好chill 既文青和洋風餐廳 #蟲二
餐廳有分室外天台同室內位置
由於係食lunch既關係 大陽仲係好曬
都係入去涼冷氣嘆一嘆
裝潢方面別緻有格調 色彩繽紛但不會俗氣
餐牌選擇唔算好多 不過勝在有特色
係有精心設計過既套餐黎既
# 一汁三菜便當🍱 - 高野豆腐豆乳豚肉野菜卷配櫻花蝦
便當好豐富 有漬物三吃﹑日本極上太白63度慢煮蛋及主菜
漬物三吃好開胃 亦唔會好酸
日本極上太白63度慢煮蛋略為有點過熟
不過蛋味好濃郁
豆腐豆乳高湯有啖啖櫻花蝦香
唔會覺得很淡 甚至有點鮮味
豚肉野菜卷用生菜包著肉碎吸晒啲湯汁
所以食落去好滿足
#半湯冷烏冬
去到十月天氣仲係咁熱
食啲冷盤都唔錯呀
烏冬麵質較硬 有嚼勁
加入日本忌廉慢煮蛋同秘製醬油冷湯攪拌
蛋漿同海苔緊黏在每條烏冬上
每一啖都好香蛋同冷湯既味道
火灸叉燒肥瘦適中 不過有點鞋
#伯爵茶麻糬傳統斑㦸
餐牌話佢既伯爵茶唔係普通既伯爵茶
所以一定要試下佢咩料
果不其然 斑㦸咬下去溫暖鬆軟帶醇厚茶香
配合雲呢拿雪糕🍨冰涼甜透心
再有啲生果甜中帶酸中和下係幾過癮架
