顏府御膳 (Closed)

想搵間坐得舒服既川菜，睇到呢間啲相好似幾唔錯就黎試下。環境係幾舒服，夠闊落，週末晚市黎都只係得幾枱客，幾啱傾計。一入座就上小食，係琥珀合桃，都幾香脆，沒油益味，如果再甜少少就完美。前菜揀左積木茄子，炸得幾好，炸醬薄，夠脆身，外面有花椒胡椒調味，都幾好食。之後叫左嗰素湯，竹笙花菇燉菜膽，清清甜甜，用料唔錯，幾好飲。脆皮黃油鹽香雞都皮脆肉滑(除左雞胸之外)，雞味幾濃，都唔錯。最差既係水煮桂花魚，唔夠麻唔夠辣唔夠香，而且魚既肉質唔嫩... 紅薯粉係好幼身，太稔唔彈牙，有啲失望。整體都ok，但就唔係正宗川菜，想食辣野，呢間就未必滿足到。