豆漿大王

Open Now

Now Closed

由於餐廳門面無名牌，加上正門似大廈樓梯後門，所以行過左都唔覺😂😂星期六早餐時段都算多人，估計如果係平日早市時段，可能更爆場。鹹粢飯 $18粢飯SIZE唔大，一個拳頭咁上下，不過食完原來好頂肚，頂足一日😅🙉糯米粒粒分明、有咬口，老油條脆口增口感，炸菜唔會好鹹，但如果可以放多少少就更好。六年無食粢飯嘅朋友表示好好味，食完好滿足。熱豆漿 $9大大碗，好濃豆香，而且好滑，加上係我中意嘅無糖，抵飲又好飲。🙊肉鬆奶脆多 $20/4件炸饅頭對半，淋上煉奶，灑上肉鬆，做法簡單，性質比唔高🤔。炸饅頭無瓊油，入口成啖油，加上甜煉奶，油膩感爆錶😐。我建議食番粢飯加豆漿就夠。