「圍威喂」個裝修同佢嘢食嘅風格好唔同，嘢食好地道惹味，裝修好少女粉紅，成間打卡Cafe咁！聽同事介紹先知原來餐廳前身真係間Cafe嚟，「圍威喂」頂手之後沿用返以前粉紅Cafe個裝修，所以就有咗個咁特別嘅配搭！
🧡泰式安格斯牛肉船河（$98）
觀塘之前有間好好食嘅船麵，一直都搵唔到比佢更好食嘅，但「圍威喂」個船河超越咗！比船麵更好食，湯底更濃郁！魚皮夠脆夠大塊，無論直接食定係浸落湯度食都係好好食！
Lunch都有食過呢個船河，比Dinner平$30蚊，不過一分價錢一分貨，Dinner個份量就多好多，都值得返個價！
🧡招牌泰皇蟹肉炒飯（$98）
蟹肉足料，撕得夠碎，完全同飯融合，啖啖都食到有蟹肉，超滋味！
🧡芭提雅的天空（$28）
出於好奇嗌咗呢杯嘢飲，結果真係上咗個芭提雅的天空上嚟，個天好藍好靚！原來呢杯係豆奶飲品，甜甜地少少奶味，味道都唔錯！
🧡經典檳城炒粿條（$68）
呢個炒粿條係之前Lunch食，同事一致都認為好食，炒得好夠鑊氣好惹味，份量都唔少，同埋出乎意料地臘腸同個炒粿條都幾夾，推介呢個！
1
